O burrat e Shestanit

Çohuni, o burrat e Shestanit,

N'damar kena gjak Shqyptarit.

Unë ktu po'j tham dy fjalë,

Qi pej zemret më kanë dalë.

Gjuhën e nan's  mé nerue,

Me t'par't  tonë me u burrnue;

Sa shum ata janë munue,

Shum t'kqija i kanë durue.

Mos harroni, o burrat e dheut,

Jemi t'gjakut t'Skënderbeut,

S'kena pse me u turpnue;

T'huejve kurrë mos m'u nënshtrue.

Për nji dona t'përparojmë,

Shqypen thmive t'jau msojmë,

Gjidhmonë t'vetën ta nerojmë,

Himnin tonë mos ta harrojmë.

Besnik Simë Dobreci, Kanada, 7.11.2004.

Moj Malci,

Malci kreshnike

Moj Malci, Malci kreshnike,

Shum sokolat ti na'j rrite.

Fshtirë na'j rrite, fshtirë na'j msove,

Për trimni t'gjyshave u kalxove,

Si me ruejtë zakonin e g'juhën,

Si me ruejtë djalin e mikun,

Si me i dhanë grusht anmikut,

Si me ruejtë mikpritjen tâne.

Moj Malci, lumja Malci,

Rrite Pashën e Gucisë,

Me shum djel të Malcisë.

Ishalla vetës ti i prinë

Për liri e kalxon trimninë.

O, me sokola qi i pat Malcia,

Nuk i pat krejt njerëzia.

Ahmet agën, burrë azgan,

Alush Hotin, trim si zanë,

Djel vuthjanë, o sa trima

Çi për trimni larg u shkoi fryma.

Djel martinajsh e nokshiqanë

Çi nër lufta nâmin e kanë.

Djelt e Ferin e Hasan Bajri,

Çi për trimni larg shkoi nâmi.

Djel malsorë, me zemra trimit,

O, çi i njofti edhe Berlini.

Shënoi Idriz Xhemë Ulaj, Vuthaj, Plavë.

Marrë prej Idriz Xh.Ulaj, Këngë popullore nga Gucia, Prishtinë, 1978.

Ndihmuan revistën Buzuku nr 17

Zef Luigji Gjokaj, Zogaj, tash në Njujork, $300

Zefi Kols NushitBrisku, Bishti Malit, Ulqin, 

                                        tash n'Njujork, $200

Ejll Zagreda, Reç, Ulqin, tash n'Njujork, $100

Shoqata Katolike Shqiptare n'Melburn, 

                      Australi, dollarë australianë 100

Anton Kola Kovaçi, Kodrat, Ulqin, tash

   n'Melburn, Australi, dollarë australianë 100

Lekë Ndreka, Kllezën, tash n'Melburn,

                       Australi, dollarë australianë 50

Loro Luka Stanaj, Braticë, tash n'Melburn,

                       Australi, dollarë australianë 50

Nikolë Tomë Koçaj, Kllezën, tash n'Melburn,

                        Australi, dollarë australianë 50

Daniell Kalaja, Shqipëri, tash n'Melburn,

                        Australi, dollarë australianë 20

Pjetër Rushi, Shqipëri, tash n'Melburn,

                        Australi, dollarë australianë 20

Qofshi faqe bardhë. Përshëndetje prej Redaksisë.

Po i çon Shkodra

Dibrës fjalë*

Po i çon Shkodra Dibrës fjalë

A ma fal për luft ni djalë

Se mka ndodhun ni rrezik

Mka hi shkjau në Koplik.

Dibra e Mati n'kam jan çu

Gjall Shkodrën mos me e lshu

Pritipriti, Shkodra nan

T'kam fal cull e t'kam fal djalë.

Ahmet Zogit, nasihati

Ni selam pa shku sahati ,

Ja ka dhan të drejt nizan

Shkjaun prej Shkodret m'i përzan.

Cullt e mecat dajm përgjis

Me i thi kriet tan Sërbis,

Do në Shkodër e do në Luzni

Mos të jesin ni pa gri.

Sall n'at dert jam vet oj Shkodër

Se mka hi papazi n'votër,

Deka e jon me hallall

Asni shkja mos t'jesin gjall.

Cullt e mi t'i baj hallall

Sërbin njofin për lëngat

Sall t'i fali Shkodër Loca

Jan për lufta e s'jan tatoca. 

*Këtë këngë popullore pati mirësinë të na japë z. Xhemal Uruçi nga Shkodra. Kënga tregon pjesëmarrjen e dibranëve edhe në Luftën e Shkodrës kundër intevencionistëve jugosllavë më 1920, ashtu siç kanë marrë pjesë edhe në Luftën e Vlorës kundër italianëve.+

Marrë prej Xhafa B, Lufta e Dibrës 1920, CamajPipa, Shkodër 2001:2678.

Zgjodhi për Buzukun prof. Dr Mentor Disha, Prishtinë.

Shoqata don Gjon Buzuku në Çikago, SHBA, ndihmoi veprimtarinë e Shoqatën don Gjon Buzuku në Ulqin me $1000. Anton Nrekaj ia dorëzoi të hollat Zef Kovaçit për Shoqatën.

Shoqata është mirënjohëse.